Achhi Khabar

Subah se chali thi khabar,
Shaam tak shaayad pohonche,
Khushboo se pehchaan hogi ki achhi hai ya buri,
Achhi hi hogi, buri toh dann se padti hai,
Aav na taav dekhe, badi mauka parast hai,

Aati hogi purwaayi ka daaman thaamkar, chhup ke peeche se,
'Dhappa' deke yaad dilayegi,
Achhi buri khabron ka khel hi hai zindagi,

Lo pakad lo, phir jee lene do ek aadh pal khushi ke,
Mujhe kahaan raas aayi hai vaise bhi, jo ho mere hisse se zyada,

Pee loon do ghoont yahin,
Bhar loon ise aankhon mein,
Khaali kar hi degi,
Buri toh phir dhoond hi legi mujhe!